- የመስቃን ብዙሃን መገናኛ አውታረ መረብ
"ልመና የዘቡሪ" ክፍል-7 (በመልካ አምዛ)
Updated: May 2, 2020
ቶራ ፈያ ሰንብት ወገሬት ኧደር
ቀልበኝ ግየግየር ኤላም ተመሥቃን ወንበር
ተሙሐመድ ጁሃር ተለምቴ ደልባር
ያዳረከነ ጭንቅ የበቶ የዠበረኸ
ያሚድጋጋ ኢብሮ አጋ የግብወንከ
ህም ባነሰናኸ ሮስ የድቡርነክ
የፈረዝማኸ ኧህር ያቡንከ
ታንቄ የትኽወተልም ዝምብ የስጅጅንከ
የኮልትሮ ዘርጋ ጉኒየሁ የትኸበድ
ተፋፍጌ ይጋዥም የፋፍ ገግ ቲወስድ
ዋይም ደስ የበና የውቲ አውገረድ
አሞ ህሙ ብራ በከነ በጎላ
የኮልትሮ አልቡላ አደገንኸም ቡላ
ያባገዳ ሳሎ ኧረጊ አትሰት
ችማ ስጤም ውጣም በፋፍ ተስራበት
አመልሙያኸ ወቀጥር ህዌት ሶስት
ኧርጅ ይጨኒጌ የሎንዴ ወንደቦ
ጭንቅ ቸኘ ቲቡሪ የብረት ወዝገቡ
የሞጣ ሰብ ቀኘም ኤለግውጅብወ ደቦ
ወንዴ ያኸሽ ዳኮ ንበርነያ ኤቦ
ውስቦ ያባኛ አትተኝ ቤተኛ
ይጠፋ ቀልበኛ ይሰዴ ምሰኛ
ወሴ ያዮተኛ ናውድኸ አትቃር
መተዮ ኸነብኸም ያትእንዝናኸ ቃር
ውራግ ድበብርው ጋዥም ሟንም አዘር
ህዌትም እንዝናኸ ብወግ የበር የተርተር
እያምደስ የበሬ አንዥ አፈርአፈር
የሟረኽወን ባጆ አልቡ በቀጆ
ኧነጩ በዶጮ አንደቡን ወጆ
መሌ ያገባናሽ አሺ ምቃር ቲውጆ
የግረኘ ዱሬሻ አታልብሴ ሜሻ
ያለበስሄም በኸን ባመድ አቡሸቡሸ
ፈረዠኘ ተሸ ባፈር ኧሸቡሸ
ወራቄ ትደንቄ ትቡየም ትጨለቅጌ
ኮር አክም ትብርጌ
ይማም ጃቦ ዴላ ያምባኖ አብዲላ
በሲዳሞ ኬላ የወጎይ አልቡላ
የቀጠሮይ ቡላ የህዌቲ አስር መላ
የጃቦሺ የህን አንዴ በሟ ሮሸ
ዚኸም ፈያ ዘንጋ ዲና ወኩላሸ
ፈያመሪ ያነን መች ይብር ብወሽብወሸ
ተጃቦጌ ዋለምበመርየውታ ሮሸ
የድቤ ጉደታ ሰላም ኮር ቲፈታ
ጉኒ የጅመውታ
ያልፋቶ አልቡላ ባሰረ በቡላ
በነሳ ጨልጨላ መሶ በዚ የስላ
ይቄጥል...
(በመልካ አምዛ)